Ky dokument përbën një marrëveshje të lidhur ndërmjet UNLIMITED FASHION sh.p.k, e regjistruar me NIPT M42325020H, me zyrën e saj të regjistruar në: Brunes Space Building, Qendra Tregtare TEG, përballë hyrjes Vjollcë, Rruga Nacionale Tiranë–Elbasan, Farkë, Lundër, Tiranë, dhe klientëve përkatës. Ky dokument përcakton Kushtet e Përgjithshme për blerjen elektronike të produkteve të markës Kiabi nëpërmjet faqes së internetit www.kiabi.al. Duke bërë një porosi, ju pranoni këto kushte pa rezervë.

UNLIMITED FASHION sh.p.k nuk pranon asnjë përgjegjësi nëse materiale të padëshiruara shkarkohen gjatë navigimit të kësaj faqeje interneti. Klienti duhet të përdorë pajisje të mbrojtura me softuer antivirus dhe një shfletues të përditësuar. Ne mund të pezullojmë ose modifikojmë ofrimin e produkteve në çdo kohë për mirëmbajtje të faqes së internetit ose për arsye përditësimi.

- Kushtet e përshtatshmërisë: Për të bërë blerje, klienti duhet të jetë mbi 18 vjeç dhe të ketë zotësi të plotë ligjore.
- Llogaria: Gjatë regjistrimit, klienti duhet të japë informacion të vërtetë dhe të saktë. Fjalëkalimi është personal dhe duhet të mbahet konfidencial. UNLIMITED FASHION sh.p.k nuk mban asnjë përgjegjësi nëse një palë e tretë përdor llogarinë tuaj pa autorizim.
- Limiti i Sigurisë: Porositë që tejkalojnë vlerën e 40,000 lekëve ose një sasi prej 30 artikujsh do t'i nënshtrohen verifikimit shtesë nëpërmjet mjetit të identifikimit.
- Disponueshmëria: UNLIMITED FASHION sh.p.k nuk garanton disponueshmërinë e çdo produkti në stok. Në rast të mosdisponueshmërisë, klienti do të njoftohet menjëherë.

- Ilustrimi: Fotot e produkteve në uebfaqe shërbejnë për qëllime ilustruese. Ngjyrat, teksturat ose nuancat mund të ndryshojnë pak nga realiteti për shkak të ndriçimit ose cilësisë së ekranit tuaj.
- Çmimet: Çmimet në uebfaqe janë neto (përfshijnë TVSH-në). Në rast të një gabimi njerëzor në shkrimin e një çmimi, UNLIMITED FASHION sh.p.k do të njoftojë klientin për të konfirmuar nëse dëshiron të vazhdojë me transaksionin me çmimin e saktë ose ta anulojë atë.

Dorëzimi kryhet në territorin e Republikës së Shqipërisë me këto tarifa:

- Brenda Tiranës: 200 lekë.
- Jashtë Tiranës: 250 lekë.
- Transport falas: Për blerjet mbi 6,000 lekë, transporti është falas.
- Koha e dorëzimit: Brenda 2-5 ditëve pune nga konfirmimi.

Dorëzimi i porosive kryhet nga e hëna në të shtunë.

- Dorëzim i pasuksesshëm: Nëse klienti nuk gjendet në adresë ose nuk i përgjigjet korrierit pas tentativave për kontakt, klienti humbet të drejtën e rimbursimit të kostove të transportit.

- Para në dorë: Në momentin e marrjes së porosisë.
- Kartë Bankare (Visa / MasterCard): Pagesë e sigurtë përmes kriptimit të të dhënave. Detajet tuaja bankare nuk ruhen në sistemet tona.

Në rast se UNLIMITED FASHION sh.p.k nuk është në gjendje të përmbushë një pjesë të porosisë së Klientit si rezultat i shkaqeve jashtë kontrollit të UNLIMITED FASHION sh.p.k, pagesa e Klientit do të reduktohet me çmimin e produkteve të padërguara dhe kostot përkatëse të dërgesës pasi të jetë njoftuar siç duhet për këto ndryshime.

- UNLIMITED FASHION sh.p.k përdor softuer të aprovuar nga Visa International dhe MasterCard Worldwide me standardet më të fundit të sigurisë (SSL 128-bit).
- Gjatë pagesës, klienti lidhet automatikisht me serverin e pagesës, pjesë e sistemit të kontrollit të qendrës së përpunimit të të dhënave të bankës. Detajet bankare të Klientit, të mbrojtura përmes kriptimit, nuk kalojnë nëpër sisteme elektronike dhe nuk ruhen në sistemet elektronike të UNLIMITED FASHION sh.p.k.

- Anulimi i porosisë: Klienti ka të drejtë të anulojë porosinë e tij, në rast të mos përmbushjes nga UNLIMITED FASHION sh.p.k të kushteve të dorëzimit të përcaktuara më sipër, duke njoftuar me email në customer.support@unlimitedfashion.al ose në numrin e telefonit të shërbimit: 044 81 3007

Kërkesa për anulim do të merret në konsideratë nga UNLIMITED FASHION sh.p.k vetëm nëse përgatitja, dërgimi ose dorëzimi i produkteve të porositura nuk ka ndodhur në përputhje me kushtet e përshkruara në këto terma.

Për rastet e mësipërme të anulimit, Klienti do të rimbursohet për pagesën e bërë brenda një periudhe prej 4 ditësh nga marrja e kërkesës nga UNLIMITED FASHION sh.p.k me anë të një transferte bankare në llogarinë bankare.

- E drejta e tërheqjes: Në përputhje me Ligjin Nr. 9902 datë 17.4.2008 "Për Mbrojtjen e Konsumatorit" i ndryshuar, klienti ka të drejtë të tërhiqet nga kontrata pa penalitet brenda 14 ditësh nga dorëzimi.
- Këmbimi: Lejohet brenda 30 ditësh nga data e marrjes. Produktet mund të këmbehen vetëm me faturën origjinale të blerjes dhe kartën e identitetit. Ky proces do të kryhet duke kontaktuar shërbimin e klientit për të siguruar informacionin e nevojshëm. Kostot e shërbimit postar mbulohen nga klienti. Këmbimi mund të kryhet vetëm me postë dhe jo në dyqanin fizik.
- Kthimi i produkteve: Në bazë të nenit 37 të Ligjit 9902, datë 17.04.2008 "Për Mbrojtjen e Konsumatorëve", Klienti ka të drejtë të tërhiqet nga kontrata pa penalitete dhe pa dhënë arsye, brenda një periudhe prej 30 ditësh kalendarike nga data e dorëzimit të produkteve të porositura. Ky proces do të kryhet duke kontaktuar shërbimin e klientit për të siguruar informacionin e nevojshëm. Në rastet e kthimit, klienti do të rimbursohet për çmimin e produktit. Kostot e kthimit, pra kostot e shërbimit postar, mbulohen nga klienti. Kostot e kthimit të produktit mbulohen nga klienti. Rimbursimi do të bëhet me pagesë në llogarinë bankare të klientit. Kthimet mund të kryhen vetëm me postë dhe jo në dyqanin fizik.
- Kushtet: Produkti duhet të jetë i papërdorur, i palarë, me faturën origjinale dhe etiketat e paprekura.
- Përjashtimet (Higjiena): Nuk pranohet shkëmbimi/kthimi i të brendshmeve, rrobave të banjës, çorapeve, getave, bluzave dhe aksesorëve.
- Defektet: Defektet duhet të raportohen brenda 24 orëve nga marrja e produktit. Në rastet kur konstatohet se artikulli është i dëmtuar ose është dërguar gabim nga ne, kostot e transportit mbulohen nga UNLIMITED FASHION sh.p.k.

Dorëzimi i Porosisë

Në rast të padisponueshmërisë ose vonesës, do të njoftoheni nga UNLIMITED FASHION për shtyrjen e afatit të dorëzimit. Klienti është i lirë të zgjedhë nëse dëshiron të pranojë ose të anulojë porosinë. Dorëzimi i produktit mund të kryhet vetëm brenda territorit të Republikës së Shqipërisë.

Në rast se UNLIMITED FASHION sh.p.k ose transportuesi i tij nuk është në gjendje të dorëzojë produktet për shkak të fajit të klientit, si p.sh. mospërputhja me orarin e dorëzimit ose mospërballimi i kushteve të veçanta të hyrjes, klienti humbet të drejtën e rimbursimit të kostove të dorëzimit. Kostot e kthimit të produktit do të zbriten gjithashtu nga rimbursimi i çmimit të produktit. Nëse klienti dëshiron një dorëzim të mëtejshëm, do t'i kërkohet të paguajë kostot e dorëzimit përsëri paraprakisht.

- Pagesa për porositë me dhuratë duhet të bëhet paraprakisht online me kartë. Pagesat CASH nuk pranohen.
- Paketimi special ose një dedikim mund të kërkohet me email.
- Për çdo ndryshim tjetër të nevojshëm, personi që bëri blerjen duhet të dërgojë një kërkesë te customer.support@unlimitedfashion.al ose të kontaktojë Shërbimin e Klientit.

- Mbrojtja e të Dhënave: UNLIMITED FASHION sh.p.k mbron të dhënat personale në përputhje me Ligjin Nr. 124/2024 "Për Mbrojtjen e të Dhënave Personale". Të dhënat mblidhen vetëm për përmbushjen e kontratës dhe dorëzimin.
- Pronësia Intelektuale: Të gjitha elementet e kësaj faqeje interneti (logot, fotografitë, dizajni) janë pronë ekskluzive e UNLIMITED FASHION sh.p.k dhe mbrohen nga e drejta e autorit. Kopjimi i tyre është i ndaluar.

UNLIMITED FASHION sh.p.k rezervon të drejtën për të ndryshuar ose modifikuar këto terma të përdorimit ose çdo politikë, FAQ, ofertë, promovim, përfitim apo udhëzim tërësisht ose pjesërisht, në çdo kohë dhe sipas gjykimit të saj të vetëm. Çdo ndryshim apo modifikim hyn në fuqi menjëherë dhe mund të publikohet në www.kiabi.al, prandaj ju rekomandojmë të kontrolloni herë pas here. Ju hiqni dorë nga çdo e drejtë që mund të keni për të marrë një njoftim specifik të këtyre ndryshimeve ose modifikimeve, dhe qasja ose pjesëmarrja juaj e vazhdueshme pas çdo ndryshimi ose modifikimi konfirmon pranimin tuaj. Nëse nuk jeni dakord me këto Terma Përdorimi, duhet të ndaloni hyrjen.

Për çdo pyetje, sugjerim apo ankesë:

- Telefoni: 044 81 3007
- WhatsApp: +355 698023524
- Email: customer.support@unlimitedfashion.al